د نجیب طلاش خیریه بنسټ هغه ژمنه پوره کړه چې تازه یې د کنړ خلکو ته د خیمو د وېش په اړه کړې وه. د بنسټ مؤسس او رئیس، ښاغلي نجیب‌الله طلاش صافي، د کنړ ولایت بې‌کورې کورنیو ته د ۲۰۰ خیمو وېش پیل کړ. دغه خیمې هغو کورنیو ته ورکړل شوې چې د طبیعي پېښو له امله یې کورونه له لاسه ورکړي او له سختو ستونزو سره مخ دي. د وېش په جریان کې، ښاغلي طلاش وویل چې بنسټ تل ژمن دی چې خپلې وعدې په عمل بدل کړي او د خلکو د ستونزو د حل لپاره ټولې هڅې وکړي. دا نوښت د کنړ خلکو لخوا په تود هرکلي سره مخ شو او د سخت ژوند شرایطو کې د زیانمنو کورنیو لپاره مهمه مرستې وبلل شوه. یو ځل بیا، د نجیب طلاش خیریه بنسټ وښودله چې په کلکه د خدمت او عمل په لاره کې ولاړ دی او د بشردوستانه هڅو له لارې به همېشه د خلکو ترڅنګ پاتې شي.